താമരക്കുളം ശ്രീ ശങ്കരനാരായണ ആവടയമ്മന് കോവില്
കുലദൈവത്തെ ആരാധിക്കുമ്പോള് നമ്മള് നമ്മുടെ പൂര്വ്വപിതാക്കന്മാരെ ആദരിക്കുന്നു, അതിലൂടെ സ്വയം തന്നെയും മാനിക്കപ്പെടുന്നു. എന്തൊക്കെയോ നമുക്കജ്ഞാതമായകാരണങ്ങളും ജീവിതാനുഭവങ്ങളും കൊണ്ട് നമ്മുടെ പൂര്വ്വ പിതാക്കള് ഒരു പ്രത്യേകദേവതയേ ഇഷ്ടദൈവമായും പിന്നീട് കുലദൈവമായും ആരാധിച്ചുതുടങ്ങി. ഒരു പക്ഷേ അക്കാലത്ത് നമ്മുടെ സമൂഹം നേരിടേണ്ടിവന്ന പലപ്രശ്നങ്ങള്ക്കും ഈ കുടുംബദൈവം ഒരു പരിഹാരവും ആശ്രയസ്ഥാനമായിരുന്നിട്ടുണ്ടാവണം. തുടര്ന്നുള്ള തലമുറകള് കാലാനുസൃതമായിയഥായോഗ്യം യഥാസ്ഥാനം ദേവതാപ്രതിഷ്ഠ നടത്തുകയും തലമുറകളിലേക്കത് ദൈവീകമായികൈമാറുകയും ചെയ്തു. ഇന്നത്തെ തലമുറയിലെത്തിനില്ക്കുമ്പോള് കാലാനുയോജ്യമായതരത്തില് മാറ്റങ്ങളോടെ ക്ഷേത്രം പുരോഗതി പ്രാപിച്ചിരിക്കുകയാണ്